Бас тақырып
Қарағандының ферроқорытпа зауытында апат болды
Бүгін, 20 шілдеде сағат 04:10-да YDD Corporation ферроқорытпа зауытында штаттан тыс жағдай болды. Кенеттен жалын шығып, 8 жұмысшы әртүрлі дәрежеде жарақат алды.
![](http://ortalyq.kz/wp-content/uploads/2024/07/EA05D1F8-0BB6-44E7-87C8-759AE54CBF3E.webp)
Қазір зауытта жұмыс тоқтатылды.
Кәсіпорынның баспасөз қызметі №1 пеште кенеттен жалын шыққанын нақтылайды.
– Қазіргі уақытта зардап шеккен барлық жұмысшы ауруханада, оларға шұғыл медициналық көмек көрсетіліп жатыр, – деп хабарлады YDD корпорациясы.
Компания зардап шеккендерге барлық көмек көрсетілетінін әрі ауруханамен тұрақты байланыста екендерін де жеткізді.
Аида РАХЫМҚҰЛОВА,
ortalyq.kz