Қарағандылық каратэшілер үздіктер қатарында

Алматыда киокушинкай-кан каратэден әлем чемпионаты өтті. Байрақты бәсекеде бақ сынаған қарағандылық қос спортшы алтын және қола жүлде жеңіп алды.

Киокушинкай-кан каратэден 85 келі салмақта сынға түскен теміртаулық Никита Гарас алтыннан алқа тақты. Тағы бір теміртаулық спортшы Дмитрий Лим 75 келі салмақта өнер көрсетіп, әлем чемпионатының қола жүлдегері атанды.

Айта кетейік, спорттың осы түрінен чемпионатқа 35 елден 700 спортшы қатысқан. Қазақстан құрамасы жалпыкомандалық есепте 115 медаль жиынтығымен көш бастады. Одан кейінгі сатыда Ресей және Жапония спортшылары тұр.

Ербол ЕРБОЛАТ,
Ortalyq.kz