«Алтын домбыра» – Арқада

Елордада AMANAT партиясының қолдауымен Мәдениет және ақпарат министрлігі ұйымдастырған «Алтын домбыра-2023» республикалық ақындар айтысында жерлесіміз Мақсат Аханов топ жарып, «Алтын домбыраны» иеленді. 

16 ақын бақ сынаған дүбірлі думан екі күнге созылды. Олар «Еңбек – ел ырысы» тақырыбын арқау етіп, өзара бақ сынасты. Айтыс Е.Рахмадиев атындағы сарайда өтті. 

Ақтық кезеңге Мақсат Ахановпен қатар Төлеген Жаманов, Аспанбек Шұғатаев, Жансая Мусина, Мейірбек Сұлтанхан, Шұғайып Сезімхан, Мұрадым Мейрланов, Алина Айдаралы жолдама алған болатын.

Аида РАХЫМҚҰЛОВА,

Ortalyq.kz