Қарқаралыда Қарағанды облысының әкімі Ермағанбет Бөлекпаевпен кездесуге 68 адам келді. Өңір басшысымен жүзбе-жүз жолығу үшін көптеген тұрғындар шалғай ауылдардан арнайы келген. Халықтың басқарма басшыларына да қояр сұрақтары болды.
Ауыл тұрғындары өзекті мәселелерін ортаға салды. ТКШ, жолдар, тұрғын үй, денсаулық сақтау – бұл салалардағы проблемалар Қарқаралы ауданының тұрғындарын ерекше толғандырады.
Нұрлан Ақсөре кездесуде Томар ауылының тұрғындары атынан сұрақтар қойды.
– Әкімге қоятын үш сұрағым болды, барлығы маңызды, – дейді Нұрлан Ақсөре. – Бізге Мәдениет үйі мен мектепті жөндеп берсе екен дейміз. Бүркітті ауылы мен Кентөбе арасындағы жол ұзақ уақыт жөндеуді қажет етеді. Облыс әкімі бұл мәселелерді шешуге көмектесетініне сендірді. Солай болады деп үміттенемін.
Облыс әкімімен кездесуде қойылған тағы бір маңызды сұрақ – ауылдарда интернеттің болмауы.
– Абыз ауылында байланыс бар, бірақ интернет жоқ. Бірақ ауыл аудан орталығынан небәрі 100 шақырым жерде орналасқан. Бізде ауылда 300-ден астам тұрғын, “Қазақмыс” корпорациясының 500-ден астам қызметкері тұрады. Интернет бізге өте қажет, – деді өңір басшысына осы ауылдың тұрғыны Ермек Нұржанұлы.
Ауданда сапалы ауыз сумен қамтамасыз ету мәселесі шешілуде. Томар, Теректі, Бүркітті ауылдарында сумен жабдықтау жүйесі қайта жаңғыртылуда. Қарағайлы кентіндегі құбырлар толығымен ауыстырылды. Жарлы-Қарқаралы су құбырының құрылысы басталды. Жоба бойынша 40 км құбыр салынады.
Сондай-ақ, ауыл тұрғындары жайылым тапшылығына шағымданады. Мал жаю үшін жерді қайтару жұмыстары тұрақты негізде жүргізіледі. Ауданда тозған жайылымдарды қалпына келтіру жобасы да жүзеге асырылуда.
Ермағанбет Бөлекпаев көпқабатты үйлерде тұратын қарқаралылықтардан пәтерлері жылы ма деп сұрады. Бірінші қазаннан бастап Қарқаралыда жылыту маусымы басталды. Қалада 6 қазандық бар, барлығы штаттық режимде жұмыс істеп тұр.
Кездесудің көптеген қатысушылары мұндай формат өте ыңғайлы екенін атап өтті. Үйреншікті есептер жоқ, барлығы жылдам және анық.
Ермағанбет Бөлекпаев аудан тұрғындарының барлық өтініштерін жазып, бейінді ведомстволардың басшыларына сауалдардың әрқайсысына жауап беруді тапсырды.
Облыс әкімдігінің баспасөз қызметі
