Бүгін облыстық «Индустриальная Караганда» газетінің құрылғанына – 95 жыл
«Индустриальная Караганда» газеті – Қарағанды облысының қоғамдық-саяси өмірінде өзіндік орны бар беделді басылымға айналды. Газет өңірдің әлеуметтік-экономикалық даму мәселелерін және тұрғындарды толғандырған өзекті тақырыптарды тұрақты түрде жариялап келеді.
Тоғыз онжылдықтан астам уақыт ішінде басылым Қарағанды облысының қалыптасуы мен дамуын, өңірдегі маңызды оқиғаларды, еңбек адамдарының тағдырын және ел жетістіктерін газет беттерінде үздіксіз хаттап келеді. Осы жылдар ішінде қоғам да, технология да, ақпарат кеңістігі де өзгерді. Ал журналистиканың басты миссиясы – тарихи жадты сақтау, маңызды мәселелерді объективті көрсету және қоғам мен билік арасындағы ашық диалогқа ықпал ету – өзгеріссіз қалды.
95 жылдық мерейтой – басылымның бай тарихын бағалап, оның қалыптасуына үлес қосқан ардагер журналистерге тағзым ететін, қазіргі ұжымның кәсіби еңбегіне алғыс білдіретін ерекше күн.
«Индустриальная Караганда» газетінің ұжымын, ардагерлерін және барша оқырманды мерейтоймен құттықтаймыз!
Аяулым СОВЕТ
Ortalyq.kz
