Қазақстан – Германия ынтымақтастығы нығая түседі
Қарағанды облысына Бернд Фабрициус бастаған Germany делегациясы жұмыс сапарымен келді. Бұл сапар Қазақстан мен Германия арасындағы гуманитарлық байланыстарды одан әрі дамытуға және өңірдегі этникалық немістерді қолдау бағытындағы ынтымақтастықты күшейтуге мүмкіндік береді.
Сапар аясында делегацияның Karaganda Region басшылығымен ресми кездесуі жоспарланған. Кездесу барысында екі ел арасындағы гуманитарлық ынтымақтастықты кеңейту, этносаралық келісімді нығайту және Қарағанды облысында тұратын этникалық немістердің мәдени және әлеуметтік бастамаларын қолдау мәселелері талқыланады.
– Ең алдымен, екіжақты қарым-қатынастарға қысқаша тоқталғым келеді. Қарағанды облысы – Қазақстандағы ең ірі өңірлердің бірі. Өткен жылы Германиямен арадағы сыртқы сауда айналымы 146 миллион АҚШ долларын құрады. Облыста Германия капиталының қатысуымен 80 бірлескен кәсіпорын жұмыс істейді. Солардың ірілерінің бірі – шарлы крандар өндіретін «Бемер Арматура» ЖШС. Ал «Изопласт Орталық Азия» ЖШС жылу оқшауланған құбырлар шығаруға маманданған. Біздің ынтымақтастығымыз көпқырлы әрі тұрақты сипатқа ие. Ол экономика мен инвестициядан бастап, білім беру, ғылым және мәдениет салаларына дейінгі кең ауқымды қамтиды.Қарағанды облысында 100-ден астам этнос өкілдері тату-тәтті өмір сүруде, – деді облыс әкімінің орынбасары Әлібек Әлденей.
Жұмыс сапарының бағдарламасына Фатималық Қасиетті Мария – барлық халықтардың Анасы кафедралдық соборына бару да енгізілген. Сонымен қатар делегация Bemer Armatura Kazakhstan кәсіпорнының жұмысымен танысады. Бұл өндіріс орны екі ел арасындағы экономикалық әріптестіктің табысты үлгілерінің бірі саналады.
Сапар барысында Қарағанды қаласы немістердің өңірлік қоғамы мүшелерімен кездесу өтеді. Онда этникалық немістерді қолдау бағдарламасы аясында жүзеге асырылып жатқан жобалар мен алдағы жоспарлар талқыланады.
Аталған жұмыс сапары Қазақстан мен Германия арасындағы тарихи байланыстарды нығайтып қана қоймай, өңірдегі этномәдени бірлестіктердің қызметін қолдауға және халықтар арасындағы достық пен өзара түсіністікті одан әрі арттыруға ықпал етеді.
Жамал АКПАРОВА
Ortalyq.kz
