Жағымды жаңалық: Қарағандыда тағы 2 адам коронавирус індетінен жазылды

 Бүгін Қарағанды облысында 2 науқас коронавирус індетін жеңді. Олар кеншілер шаһарына «Минск — Нұр-Сұлтан» рейсімен келген. Бұл туралы облыстық денсаулық сақтау басқармасы хабарлады.

«16 сәуірде 19 және 24 жастағы қыздар коронавирус инфекциясынан жазылды. Олар толық емдеу курсынан өтті. Екі мәрте жасалған ПТР (полимеразды тізбекті реакция) сараптамасы олардың сырқаттан толық айыққанын көрсетті. Науқастар 14 күнге үй карантиніне жіберілді», — делінген хабарламада.