Өзекті мәселе – нақты шешім
Мемлекет басшысының бұл Үндеуін тыңдай отырып, өзгерістерді ел дамуындағы елеулі кезең ретінде бағалаймын. Сонымен қатар, ел тарихындағы осынау бастаманың жұртымыз үшін ғана емес, аймақтық саясатта да маңызды екендігін айта аламын.
Мемлекетіміздің әлеуметтік және экономикалық жауапкершілігі – Парламент пен Үкіметтің қоян-қолтық жұмыс істеуі, елімізде демократияның одан ары дами түсуіне ықпал етеді. Өзге мемлекеттермен салыстырғанда, суырылып алға шықтық. Біліміміз де жүйеленіп, саясатта салмақты көзқарасымыз қалыптасты. Әлем таныған мемлекетке айналдық. Қиындықтың бәрін еңсеріп келеміз. Президентіміз Нұрсұлтан Әбішұлы Үндеуіндегі пайымды пікірлерін уақытында қолдап, жас мемлекетіміздің болашағын кемел ету – баршамыздың міндетіміз. Бұған Қазақстан елінің тәжірибесі жеткілікті.
Біздің басты ұстанымымыз – Қазақстанымызды гүлдендіріп, тиімді шешімдер қабылдап, жүйелі қадамдар жасау қажет деп білемін.
О.СВИРГУН,
қалалық білім қызметкерлері
кәсіподағының төрағасы.
САРАН қаласы.
