Теміртауда Металлургтер көшесіндегі 5 қабатты тұрғын үйдің екінші қабатынан 2 жастағы бала құлап кеткен.
Жазатайым оқиға 17 қыркүйекке қараған түні сағат 3.50-де болған. Облыстық ТЖД баспасөз қызметінің мәліметінше, бала ата-анасының қарауынсыз қалған. Анасы көрші бөлмеде болған.
Қазіргі таңда, бала ауруханаға жатқызылған. Дәрігерлер жағдайын орташа деп бағалайды.
Айта кетейік, биылғы жылдың 9 ай ішінде балалардың терезеден құлау оқиғасы осымен 24-ші мәрте тіркеліп отыр.
Аида РАХЫМҚҰЛОВА,
ortalyq.kz
