Жаңалықтар
«Теміртау» мықтылығын танытты
Теміртаулық «Теміртау» ел чемпионаты шеңберінде Рудныйдың «Горнягынан» айласын асырды. 2:4.
«Теміртаулықтар» қарсылас қақпасына төрт шайба тоғытты. Рудныйлықтар екі шайбамен шектелді.
Кездесудегі алғашқы қос шайбаны рудныйлықтар салды. 2-ші минутта Филонов, 16-шы минутта Титов «Теміртау» қақпасынан саңылау тапты. 2:0.
Бұдан кейін теміртаулықтар қарқынды күшейтті. Қарсыластар қорғанысын бұзып-жарып, төрт мәрте Рудный қақпасын дәл көздеді.
26-шы минутта Пономарев, 46-шы минутта Сидоренко, 53-ші минутта Незнамов мергендігін танытса, матчтың тәмамдалуына сәл қалғанда Кудрявцев таблодағы көрсеткішті өзгертті. 2:4.
Кеше қос команда тағы да бір рет Рудныйдағы мұз айдынында кездесті.
Нұрқанат ҚАНАФИН