Qarmet-те алғашқы миллион тонна болат өндірілді

«Qarmet» АҚ ұжымның қажырлы еңбегінің нәтижесінде алғашқы миллион тонна болат өндірілді. Бүгінде өнім ішкі нарықтың қажеттілігін қанағаттандырып тұр. Тіпті, өнімге сұраныс та артқаны жайында хабарланған.

– Болаттың орташа айлық өндірісі 300 мың тоннаны құрады. Бұл өткен жылдың көрсеткіштерінен 50 мың тоннаға артық. Ағымдағы айда 326 мың тонна болат өндіру жоспарлануда. Бұған нөмірі 2-ші конвертерді жөндеуден кейін пайдалануға беру ықпал етеді, – деді Qarmet болат департаментінің директоры Андрей Берг.

Компанияның мәліметінше, 2024 жылдың төрт айында өткен жылдың сәйкес кезеңімен салыстырғанда Qarmetтің тегіс прокат сатылымы 8%-ға, ал, Орталық Азия нарықтарындағы өнім сатылымы – 15%-ға артқан.

Ербол ЕРБОЛАТ,
Ortalyq.kz