Облыс полицейлері Қазақстанда заңсыз жүрген 28 шетелдікті ұстады
20 қарашада Балқаш қалалық ІІБ көші-қон полициясы бөлімінің қызметкерлері Қарағанды облысы бойынша Ұлттық қауіпсіздік департаментімен бірлесіп, Алматы-Екатеринбург тас жолында рейд жүргізді.
![](http://ortalyq.kz/wp-content/uploads/2023/11/IMG-20231122-WA0000.jpg)
Сағат 3.00 шамасында олар Астанадан Сарыағашқа бағыт алған автобустан ҚР көші-қон заңнамасын бұзған Өзбекстанның 25 азаматы мен Тәжікстанның 3 азаматын анықтады. Олардың елде болу мерзімі 1,5 айдан 9 айға дейін асып кеткен.
– Аталған тұлғаларға қатысты әкімшілік хаттамалар толтырылып, ҚР ӘҚБтК-нің 517 бабы бойынша әкімшілік соттың қарауына жолданды. Шешім шыққанша шетелдіктер қонақүйге уақытша орналастырылып, ыстық тамақ пен ауыз сумен қамтамасыз етіледі, – деді облыстық полиция департаменті көші-қон қызметі басқармасының басшысы Арман Уалиев.
Ілияс ДҮНГЕНБАЙҰЛЫ