Наурыз береке мен бірліктің мерекесі
Құрметті жерлестер! Сіздерді келіп жеткен Ұлыстың ұлы күні Наурыз мейрамымен шын жүректен құттықтаймыз!
Ежелден келе жатқан бұл мереке бүгінде біздің ұлттық құндылықтарымыз дәріптелетін, жаңаратын елеулі күнге айналды. Жыл басы Наурыз мерекесі жаңа өмірлік кезеңнің басталуын, табиғаттың оянуын және жақсылық пен берекенің салтанат құруын білдіреді.
Наурыз ұрпақтан-ұрпаққа берілетін дәстүрлер мен ұлттық болмысымыздың тарихпен етене байланысып жатқанын көрсете отырып, барлығымызды біріктіре түседі.
Күн мен түннің теңелуі тепе-теңдік пен үйлесімділік әкелетін бұл күні біз өткенімізді бағамдап, болашаққа үмітпен қараймыз. Наурыз бізді жаңа жетістіктерге, бірлік пен өзара түсіністікті нығайтуға, ортақ мақсаттар мен жетістіктерге жұмылуға үндейді.
Әз Наурыз мерекесі әр үйге жылылық пен бақ-береке, баршаңызға денсаулық, амандық пен құт дарытсын.
Шаңырақтарыңыздан шаттық кетпесін. Наурыз еліміз үшін өркендеу мен дамудың символына айналсын!
Мереке құтты болсын, қымбатты жерлестер!
Ермағанбет БӨЛЕКПАЕВ,
Қарағанды облысының әкімі
Нұркен КОБЖАНОВ,
Қарағанды облыстық мәслихатының төрағасы
