Михаэль Лаубш: «Бұл – маңызды шешім»

Eurasian Transition Group институтының президенті, Орта Азия бойынша сарапшы Михаэль Лаубш Қазақстандағы кезектен тыс Президент сайлауына қатысты пікір білдірді.

«Президент атап өткендей, қазір әлемде түрлі келеңсіздіктер орын алып, қауіп-қатер ұлғайып келеді. Бұл – Қазақстан үшін де қауіпті. Сондықтан, елдің саяси, экономикалық және әлеуметтік тұрақтылығы мен қауіпсіздігін қамтамасыз ету бағытындағы кез келген қадамның маңызы зор. Әсіресе, Орта Азия аумағында орналасқан мемлекет үшін бұл дер кезінде қабылданға шешім болды», — деді Михаэль Лаубш.