Мереке қарсаңында баспаналы болды

Осакаров ауданында Наурыз мейрамы қарсаңында тұрғын үй кезегінде тұрған 18 жан баспаналы болды. Бұл жолы ата-ана қамқорлығынсыз қалған 5 жетім балаға, 3 бірдей көп балалы отбасыға және әлеуметтік осал топтарға жататын 10 адамға пәтер кілті табысталды.

Жалпы деректерге сүйенсек, Осакаров ауданында тұрғын үйге мұқтаждар ретінде есепте тұрған азаматтардың тізімінде – 996 адам бар. Оның 626-сы – жетім балалар. Ал, 176-сы – әлеуметтік осал топтағылар. Одан бөлек, 136 бюджеттік ұйымдардың қызметкері, 49 көпбалалы отбасылар да бар. 9 отбасы қауіпті деп танылған үйлердің тізімінде тұрғандар.

Сонымен қатар, биылғы жылы коммуналдық тұрғын үй қорынан кезекте тұрғандарға баспана кілті табысталады деп күтілуде.

Ербол ЕРБОЛАТ,
Ortalyq.kz