Мектеп оқушыларының күзгі демалысы қанша күнге созылады?

Биыл бірінші тоқсан сегіз оқу аптасына созылады. Күзгі демалыс жеті күн, яғни, 28 қазаннан 3 қарашаға дейін. Іс жүзінде балалар 25 қазаннан бастап демалады. Өйткені, 25 қазан – Қазақстанда Республика күні. Ал, 26-27 сенбі-жексенбіге түседі. Жалпы, мектеп оқушыларының демалысы 10 күнге созылмақ, деп хабарлайды Ortalyq.kz Tengrinews.kz сайтына сілтеме жасап.

Екінші тоқсан сегіз оқу аптасына созылады. 2024 жылдың 30 желтоқсанынан бастап 2025 жылдың 8 қаңтарын қоса алғанда, қысқы каникул 10 күн болады.

Бірінші сыныптарда 2025 жылғы 3-9 ақпанда (қоса алғанда) жеті күнге созылатын қосымша демалыс болады.

Үшінші тоқсан, ең ұзақ тоқсан – 10 оқу аптасы, көктемгі каникул 11 күнге, 2025 жылдың 21-31 наурызына дейін (қоса алғанда) жалғасады.

Төртінші тоқсан – сегіз оқу аптасы.

Жоспар бойынша 9-10 сынып оқушыларына арналған қорытынды емтихандар 29 мамыр мен 9 маусым аралығында, 11-12 сынып оқушыларына арналған емтихандар 30 мамыр мен 12 маусым аралығында өтеді.

Материалды әзірлеген Ілияс ДҮНГЕНБАЙҰЛЫ.