Мәлік Мырзалин Президент Әкімшілігі басшысының орынбасары болып тағайындалды

Мәлік Мырзалин Президент Әкімшілігі басшысының орынбасары болып тағайындалды, – деп хабарлайды  Ақорданың баспасөз қызметі. 

Мәлік Мырзалин 1971 жылы Ақтөбеде дүниеге келген. Ресей Федерациясы Сыртқы істер министрлігінің Мәскеу мемлекеттік халықаралық қатынастар институтын бітірген. Йель университетінің менеджмент мектебінде (АҚШ) біліктілігін арттырған. “Нұр Отан” халықтық-демократиялық партиясы орталық аппараты басшысының орынбасары, Қазақстан Республикасы Дін істері агенттігінің жауапты хатшысы қызметтерін атқарды. 2017 жылдан осы тағайындауға дейін Ақмола облысы әкімі лауазымында болған.