Жаңалықтар

Мәдениет ошағы ауылға да керек

Мемлекет басшысы Қасым-Жомарт Тоқаев 2026 жылғы 28 қазандағы «Жаңа тарихи кезеңдегі Қазақстанның өзекті міндеттері» атты Жолдауында елдімекендердегі әлеуметтік инфрақұрылымды дамытуға, оның ішінде денсаулық сақтау, білім беру, мәдениет және спорт нысандарына деген қажеттілікті жан-жақты зерделеуге басымдық берді. Президент барлық өңірде құрылыс жұмыстарын жандандырып, әр облыстың нақты сұранысына сай жаңа нысандар салу қажеттігін атап өтті. Әсіресе, ауыл тұрғындарының лайықты өмір сүруіне жағдай жасау мәселесіне ерекше назар аударды.

Сурет ЖИ арқылы жасалды

Президент Жолдауында қалалардың қауіпсіз, жайлы әрі көрікті болуына да басымдық берілген. Осы тұрғыда қаладағы мәдени кеңістіктерді дамыту, тұрғындардың бос уақытын тиімді өткізуіне жағдай жасау, қоғамдық орындар мен мәдени нысандарды жаңғырту мәселелерін де назардан тыс қалдырмау керек.

– Біз ауыл-аймақтарды дамыту мәселесін әрдайым ерекше бақылауда ұстаймыз. Ауылдағы тұрғындардың лайықты өмір сүруі үшін барынша жағдай жасап отырмыз. Алайда, қазір экономика, білім мен технологияның тірегі де, таланттарды шыңдайтын да негізгі қалалар екенін атап өткен жөн. Сайып келгенде, қуатты қалалар қуатты аймақтардың, ал, қуатты аймақтар күшті мемлекеттің негізін қалайды. Сондықтан әрбір ірі қаланың Үкімет бекіткен нақты орта және ұзақ мерзімдегі даму жоспары болуға тиіс. Сонымен қатар қала ресурсын тиімді басқару үшін Үкімет әкімдіктермен бірлесіп, қала инфрақұрылымының цифрлық сыңарын көп ұзамай әзірлеуге тиіс. Егер қала қарқынды дамитын болса, сол өңірдің экономикасы да өркендейді, адами әлеуеті де артады, – деді Президент өз Жолдауында.

Негізгі мақсат – өңірдегі мәдени инфрақұрылымның нақты қажеттілігін анықтап, алдағы жоспарлар мен атқарылып жатқан жұмыстарды көрсету. Өйткені, мәдениет ошағы тек концерт пен мерекелік шара өткізетін орын емес, ауыл тұрғындарының басын қосатын, өскелең ұрпақтың өнері мен қабілетін шыңдайтын маңызды қоғамдық кеңістік. Сондықтан оның қолжетімді болуы ауыл мен қала тұрғындары үшін бірдей маңызды.

Аида РАХЫМҚҰЛ
«Ortalyq Qazaqstan»

Пікір қалдырыңыз

Басқа материалдар

Back to top button