Дарынды балаларға арналған мектептерге құжат қабылдау басталды
Қарағанды облысында жеті мамандандырылған мектеп-интернат, екі лицей-интернат және облыстық музыкалық мектеп-интернат бар. Атап айтар болсақ, Жамбыл атындағы ММЛИ, Н. Нұрмақов атындағы ММЛИ, «Дарын» ММЛИ, «Мұрагер» ММЛИ, ақпараттық технологиялар ММЛИ, Балқашта – «Зияткер» МММ; Теміртауда – «Озат» МММ. Аталған білім ордаларына 5,6,7 сынып оқушылары құжаттарын тапсыра алады.
Құжаттарды онлайн түрде 15 сәуірге дейін www.qabyldau.daryn.kz сайтында тапсыруға болады.
Жетінші сыныптан бастап қабылдауды Қарағандыдағы «Білім-инновация» екі лицей-интернаты жүргізеді. Онлайн-тіркеу және құжаттарды қабылдау www.bilemtihan.kz сайтында 12 сәуірге дейін жүргізіледі.
Мамандандырылған музыкалық мектеп-интернатқа түсу үшін құжаттарды осы жылдың 15 сәуіріне дейін www.e.bilimal.kz сайтына тапсыруға болады.
Дарынды балаларға арналған мектептерге қабылдау туралы қосымша ақпаратты мына телефон арқылы алуға болады: (8-7212) 41-22-88.
Материалды әзірлеген Аида РАХЫМҚҰЛОВА
