Бауыржан Омаров Президент кеңесшісі қызметіне тағайындалды

Белгілі журналист Бауыржан Омаров Қазақстан Республикасының Президенті Қасым-Жомарт Тоқаевтың кеңесшісі болып тағайындалды. Бұл туралы Ақорданың баспасөз қызметі хабарлады. 

Бауыржан Омаров 1962 жылы Қызылорда облысы Арал ауданы Қаратерең ауданында туған. Филология ғылымдарының докторы (2001), профессор (2002), Қазақстан Республикасы Ұлттық Ғылым академиясының корреспондент-мүшесі (2013).

әл-Фараби атындағы ҚазҰУ-дың журналистика факультетін (1986), Мәскеу халықаралық бизнес және ақпараттық технологиялар университетін (1998), Т.Рысқұлов атындағы Қазақ экономикалық университетін (2006) бітірген.

Еңбек жолын «Лениншіл жас» (қазіргі «Жас Алаш») газетінің тілшісі болып бастаған. Аға тілші, аудармашы, бөлім меңгерушісі (1986–1994) қызметтерін атқарған. Әл-Фараби атындағы ҚазҰУ-дың аға оқытушысы (1994–1996), аға ғылыми қызметкері (докторант) (1998–2000), профессоры (2002–2003), Қызылорда мемлекеттік университетінің проректоры (1996–1997), Қызылорда қаласы әкімінің орынбасары – Қызылорда арнайы экономикалық аймағы әкімшілік кеңесі төрағасының орынбасары (1997–1998), М.Әуезов атындағы Әдебиет және өнер институтының аға ғылыми қызметкері, бөлім меңгерушісі (2000–2003), ҚР Мәдениет министрлігінің Тілдерді дамыту департаментінің директоры, ҚР Мәдениет, ақпарат және спорт министрлігі Тіл комитетінің төрағасы (2003–2006), «Литер-Media» ЖШС атқарушы директоры, «Астана хабары» газеті бас редакторының бірінші орынбасары,  «Айқын» газетінің бас редакторы, Қызылорда облысы әкімі аппаратының жетекшісі, «Қазақ газеттері» ЖШС бас директоры (2006–2009), ҚР Мәдениет және ақпарат министрлігі Ақпарат және мұрағат комитеті төрағасының орынбасары, Ақпарат және мұрағат комитетінің төрағасы, ҚР Мәдениет министрлігі Тіл комитетінің төрағасы. ҚР Президенті Баспасөз қызметінің сектор меңгерушісі (2009–2013),  ҚР Президенті Баспасөз хатшысының орынбасары қызметтерін атқарды.  

Жүзден астам ғылыми жариялым мен 10 ғылыми және публицистикалық кітаптың авторы.