Қарағандының перинаталдық орталықтары жаңа жабдықтармен қамтамасыз етілді

Жаңа жабдықтар дәрігерлерге шала туған нәрестелер мен патологиясы бар жаңа туған сәбилерге күтім жасауды жеңілдетеді.

Мысалы, арнайы кувездер пайда болды, онда балалардың жағдайы туралы ақпарат мониторларда көрсетіліп отырады.

– Біз сәби дүниеге келген уақыттың алғашқы минуттарында-ақ ерекше күтімді қажет ететін сәбилерге күтім жасаймыз. Жансақтау бөлмесінде жылытылатын үстелдер, баланың тыныс алуын, оттегіге деген қажеттілікті, қан қысымының күйін және жүрек қағысын бақылайтын мониторлар бар. Жақында балаларға тәулік бойы дәрі – дәрмек енгізуге мүмкіндік беретін инфузоматтар алдық, – дейді №1 перинаталдық орталықтың жаңа туған нәрестелер патологиясы бөлімінің меңгерушісі Лариса Ясная.

Сондай-ақ, перинаталдық орталық көпфункционалды операциялық үстелдермен, жаңа анестезиялық-тыныс алу аппаратурасымен, бейнебронхоскоппен жабдықталған.

№ 2 перинаталдық орталықтың жансақтау бөлімшесі өткен жылы күрделі жөндеуден өтті. Жаңартылған палаталарда заманауи трансформаторлық кереуеттер және ауаны зарарсыздандыру және тазарту жүйесі орнатылды.

– Биыл біз заманауи желдеткіш, төрт инкубатор жабдықтарын алдық. Жақын арада бөлімшені жабдықтау аяқталады және шала туған пациенттердің аман қалуына көмектесетін тыныс алу жабдықтары сатып алынады. Жөндеуден кейін оттегі баллондарының қажеттілігі жойылды. Оттегі енді қабырға консольдері арқылы орталықтандырылған түрде беріледі, – деді жаңа туған нәрестелерді реанимациялау бөлімінің меңгерушісі Людмила Панибратец.

Аида РАХЫМҚҰЛОВА,

ortalyq.kz