Қарағандылық хирургтар жаңа әдістерді енгізуде

Қарағанды қаласының №1 көпсалалы ауруханасында шап жарығы лапароскопия көмегімен емделе бастады. Дәрігерлер осындай жеті операция жасады.

– Барлық операциялар сәтті өтті, – дейді № 1 көпсалалы аурухананың хирургия бөлімінің меңгерушісі Арастун Мұсаев.

– Біздің ауруханадағы лапароскопиялық әдіс асқынбаған шап жарығын емдеудің алтын стандартына айналуда. Біз шап жарығы бар науқастардың 90%-на лапароскопиялық операция жасауға тырысамыз. Өз жұмысымызда американдық өндірістің ең жоғары сапалы торлы импланттарын қолданамыз. Лапароскопияны қолдану пациенттер үшін жарақат алу қаупін азайту, оңалту уақытын қысқарту болып табылады.

Лапароскопиялық хирургия шамамен бір сағатқа созылады. Сол күні пациенттер тұра алады, ал 3-4 күнде олар шығарылады.

Операциялар МӘМС шеңберінде орындалады және медициналық сақтандыру қорының қаражатынан төленеді. Әрбір операция үшін қор медициналық ұйымға 150 мың теңгеден астам қаражат жібереді.

Медициналық сақтандыру қорының Қарағанды филиалының ақпараты бойынша.