Қарағандыда көпқабатты тұрғын үйлер сусыз қалды
Аймақта магистральдық су құбырындағы апат салдарынан үш мыңға жуық үйдің тұрғындары суық сусыз қалды.
22 мамыр күні сағат 23:48-де диаметрі 500 мм №6 магистральдық су құбырында апат болған. Су беру сағат 1:30-да тоқтатылған. «Қарағанды су» ЖШС-нің жедел бригадасы зақымданған аумақты зерттеп, Қарағанды қаласының Сортировка, Жұмысшылар поселкесі және Компанейск аудандарындағы суды өшірген.
Жөндеу жұмыстары бүгін таңертең таңғы 8.00-де басталды.
Кәсіпорын сусыз қалған нысандарға су тасымалдауды ұйымдастырды. Бірінші кезекте ауыз сумен әлеуметтік мәдени тұрмыстық объектілер (ауруханалар, мектептер) қамтамасыз етіледі, сондай-ақ су тұтынушыларға өтінімдер бойынша әкелінетін болады.
Қазір тұрғындар суды су тасушы машина арқылы тасып жатыр.
– Таңертеңнен бастап апатты жою үшін 18 адамнан тұратын үш бригада, 8 бірлік арнайы техника жұмыс істеп жатыр. Олар экскаватор, кран, сусорғылары бар тракторлар, генератор, вагон кабиналары. Су өткізгіштегі апаттық жұмыстар жалғасып жатыр. Тұтынушыларға су беру ұйымдастырылды, – деді «Қарағанды су» ЖШС баспасөз қызметі.
Сондай-ақ компания зақымданған №6 құбырдың 2009 жылы пайдалануға берілгенін айтады. Қазір апат салдарынан 2 936 үйдің, оның ішінде 2 808 жеке тұрғын үйдің тұрғындары суық сусыз қалуға мәжбүр. Алдын ала болжам бойынша, бұзылған учаске сағат 22:00-де ауыстырылады. Осыдан кейін суды кезең-кезеңімен беру қамтамасыз етілмек.
Су тасымалдау жөніндегі өтінімдер бойынша байланыс нөмері: 47-11-16
Аида РАХЫМҚҰЛОВА,
ortalyq.kz