Қарағандыда бірінші қалалық экологиялық акция өтеді

Жетінші сәуірде Қарағандыда бірінші экологиялық акция – плоггинг өтеді. Халықаралық денсаулық күніне арналған шараны Қарағаны Медициналық университетінің студенттері ұйымдастырған.

– Акцияға ниет білдірушілердің барлығы қатыса алады. Ешқандай шектеу жоқ. Плоггинг –  салауатты өмір салты мен экологияны қорғаудың гибриді. Дәлірек айтқанда,  акцияға қатысушылар орталық саябақта жүгіреді және қоқыс жинайды. Қатысушыларға біз қолғаптап мен қоқысқа арналған қаптар алуды өтінеміз, – дейді ҚМУ студенті Ескендір Афизов. 

Алғашқы акция орталық саябақта өтеді. Ұйымдастырушылар алдағы уақытта қаланың басқа аудандарында да осындай шаралар ұйымдастыруды жоспарлап отыр.  
Плоггингтің басты шарттары:
– жүгіруге өзімен бірге қоқыс қабын ала келу.
– жол бойы оның ішіне көзге түскен қоқысты жинау.
– жинаған қоқысты суретке түсіріп, #ploggingKaraganda хэштегімен әлеуметтік желілерге орналастыру. Мұндай қадам акцияға барынша көбірек халықты жұмылдыру үшін қажет.

Акция 7 сәуір 11.00-де Орталық мәдениет және демалыс саябағында өтеді. Қатысушылар басты сахнаның маңына жиналады.

Барлық сұрақтарыңызбен келесі телефон нөміріне хабарласуларыңызға болады: 87752090350 (Ескендір).