Қазақстанда жеті жылда 1342 мектеп пен 1300-ге жуық медициналық нысан салынды
2019 жылдан бері елімізде 1,1 миллион оқушы орны ашылды. Нәтижесінде үш ауысымды мектептер саны 4 есе, апатты мектептер 2 есе, ал оқушы орнының тапшылығы 4 есе қысқарды.
Осы кезеңде мектепке дейінгі ұйымдар желісі 1483 нысанға ұлғайып, 345 мемлекеттік балабақша салынды. «Келешек мектептері» ұлттық жобасы аясында 217 мектеп бой көтерді. Оның 84-і ауылдық жерлерде орналасқан.
Жоғары білім алуға 655 680 мемлекеттік грант бөлінді. Ал денсаулық сақтау саласында 1300-ге жуық жаңа нысан пайдалануға берілді.
Президент Қасым-Жомарт Тоқаев Жолдауында «Қазақстан ауқымды құрылыс алаңына айналуға тиіс» деп атап өтті. Мемлекет басшысы ұсынған «Халықтық құрылыс» бастамасы аясында білім беру, денсаулық сақтау, спорт және мәдениет инфрақұрылымын дамыту жұмыстары жалғасады.
Материалды әзірлеген Диас СЕРІКҚАЗЫҰЛЫ
