Жастар журналистиканың маңызын талқылады

Ұлттық басылым күніне орай «AMANAT» партиясының Қарағанды облыстық филиалының «Jastar Ruhy» жастар қанатының белсенділері «Ortalyq Qazaqstan» газетінің аға тілшісі Ерқанат Кеңесбекұлымен арнайы кездесу өткізді.

Жиынның басты мақсаты – жастар арасында журналистиканың маңыздылығын түсіндіру және ұлттық басылымдардың рөлін насихаттау. Кездесу барысында спикер қазақ баспасөзінің даму тарихына тоқталып, ақпараттық кеңістіктегі жаңа тенденциялар жайлы әңгімеледі. Сондай-ақ, сапалы контент жасаудың ерекшеліктері мен кәсіби журналистиканың талаптары туралы пайдалы мәліметтермен бөлісіп, авторлық кітаптарын тарту етті.

Шараға қатысқан жастар өздерін толғандырған сұрақтарын қойып, тәжірибелі маманнан құнды кеңестер алды. Қатысушылар мұндай кездесулердің ақпараттық салаға қызығушылық танытқан жастар үшін аса маңызды екенін атап өтті.

Ұйымдастырушылардың айтуынша, мұндай іс-шаралар алдағы уақытта да жалғасып, жас буынның шығармашылық әлеуетін арттыруға ықпал етпек.

Ерік НАРЫН,

ortalyq.kz