Денсаулық

Жарты ғасырдан кейін жаңарды

Жылына 5 мың сәби дүниеге келетін облыстық №1 перинаталдық орталығында күрделі жөндеу аяқталды. Ғимаратта жарты ғасырдан астам уақыт бойы күрделі құрылыс жұмыстары жүргізілмеген. Жаңартылған перзентхана заманауи медициналық жабдықтармен жабдықталды.

Енгізілген жаңашылдықтардың бірі – SOS-жүйесі. Қандай да бір жағдай орын алса, дабыл түймесі хабар береді. Ол үшін науқастарға арнайы білезіктер беріледі. Бір жақсысы, олар су өткізбейді, әйелдер оларды душта да қолдана алады. Қоңырау шалған кезде қызметкерлер бірнеше минут ішінде жауап береді, себебі сигнал ұялы телефондарға түседі. 1965 жылы салынған ғимарат үлкен өзгерістерді қажет етті. Қазір жаңа операциялық блок пен 9 босану палатасы бар реанимация залы толық жабдықталған. Наркозды тыныс алу аппараттары, жүкті әйелдерге арналған КТГ-аппараттары, операциялық емдеуге арналған функционалдық үстел және тағы басқалар сатып алынды. Жаңа туған нәрестені қабылдауға арналған трансформаторлық кереуеттер бар. Айта кету керек, облыстың кез келген медициналық мекемесінде мұндай төсек бола бермейді. Сондай-ақ, балаларға арналған өздігінен жылытылатын үстелдер пайда болды. Патологиясы бар жаңа туған нәрестелерді күту және реанимациялау үшін барлық қажетті жабдықтар бар.

– Перзентхана 175 орынға есептелген, – дейді №1 перинаталдық орталықтың жетекшісі Александра Моторгина.

– Бір-екі адамға арналған жайлы палаталардағы жағдай үйдегі жағдайға жақын етіп құрылған. SOS жүйесі де ұйымдастырылған. Бұл – қызметкерлерді шақыруға және шұғыл әрекет етуге, пациенттерге алғашқы көмек көрсетуге арналған медициналық жүйе. Ақпарат ұялы телефонға түседі, онда көмекке мұқтаж палата мен бөлім көрсетіледі. Бұл телефондар барлық қабаттарда және қабылдау-диагностикалық бөлімде орналасқан. Барлық палаталарда санитарлық-душ бөлмелері пайда болды. Бұрын ондай жағдай болмаған.

– Аурухана өте жақсы, таза, кең. Медициналық қызметкерлер өте мейірімді. Маған бәрі ұнады. Мен мұнда бірінші рет келдім, – дейді науқас Малика Динасилова.

Қабылдау-диагностикалық бөлімшесхалықаралық триаж (КЖ) жүйесі бойынша жұмыс істейтін болады. Бұл бүкіл әлемдегі ауруханаларда қолданылатын және науқастарды жедел көмек көрсету негізінде тарататын пациенттерді медициналық сұрыптау. Қабылдау аймақтары түрлі-түсті болып бөлінген. Жоспарлы науқастар «жасылға» барады. Әйелге шұғыл көмек қажет болмаса, «сары» аймаққа өтеді. Ал «қызыл» аймаққа өмірі дәрігерлердің шұғыл көмегіне тәуелді адамдар барады. Перзентханада жаңа туған нә[1]рестелер мен салмағы өте төмен балаларға реанимациялық көмек көрсететін жан сақтау палаталар бар. 22 аптадан бастап дене салмағы 540 граммнан басталатын шала туылған нәрестелер перинаталды блокта емделеді

Жансая ОМАРБЕК.

Басқа материалдар

Back to top button