Теміртаулықтар осыменен 79-шы рет өз қаласының туған күнін атап өтті.
Осындағы “Бірлік” алаңында, Тұңғыш Президенттің тарихи-мәдени орталығының сыртында өткен мерекенің шымылдығын Теміртау қаласының әкімі Ғалым Әшімов жерлестерін осынау айтулы күнмен құттықтап ашты.
Бұдан кейін “Тұғырлы Теміртау” атты мерекелік бағдарламада сәндік-қолданбалы өнер көрмесі ұйымдастырылып,концертке кезек берілді.
Онда қаланың үздік шығармашылық ұжымдары,халықаралық фестивальдер мен конкурстардың лауреаты Дулат Баймағамбетовтің жетекшілігіндегі “Top band ” тобы, “Алтын дауыс”, “Алтын дауыс” конкурсының жеңімпазы Меруерт Тойбекова,сондай-ақ қазақ эстрадасының жұлдызы Қазыбек Құрайыш пен “Jaman-Т” тобының әншілері көрермендерді тәнті етіп,оларға мерекелік көңіл-күй сыйлады.
Концерттің жалғасы мерекелік от-шашуға ұласты.
Ержан ИМАШ,
ТЕМІРТАУ
Суреттер ұйымдастырушылардан
