Теміртауда 50 түп ағаш отырғызылды

Қазақстан халқының бірлігі күніне орай Теміртау қаласының Бірлік алаңында ағаш отырғызу ұйымдастырылып, оған қала әкімі Ғалым Әшімов пен қалалық мәслихаттың депутаттары, этномәдени бірлестіктердің өкілдері қатысты.

Олар осы Бірлік алаңының аумағына 50 түп ағаш отырғызды. Келешекте бұл көшеттер көктеп, жапырақ жайып, елімізді мекендеген ұлттар мен ұлыстардың тамыры терең достығы мен ынтымағының және бірлігінің символына айналатын болады.

                                               Ержан ИМАШ
                                                      Ortalyq.kz

                                                               ТЕМІРТАУ