Шет ауданында сайлаушылардың 70%-ы дауыс берді

Шет ауданы бойынша 19 cайлау учаскесінде сағат 16.00-ге 6951 сайлаушы дауыс берді. Бұл жалпы сайлаушылар санының 70 пайызы.

Жалпы, аудан бойынша ауылдық округтерде 10001 сайлаушы бар болса, соның ішінде, Жамбыл кентіндегі дауыс беруге тиіс тізімдегі сайлаушылардың 92 пайызы, К.Мыңбаев атындағы ауылдық округтегі сайлаушының 93 пайызы дауыс берген. Ең көп сайлаушысы бар Ақадыр кентіндегі сағат 16.00-дегі көрсеткіші 76 пайыз. Мұнда 6740 сайлаушы тізімде бар. Оның әзірге 5138-і дауыс берген.

Қызғалдақ АЙТЖАН.