Шавкат Рахмонов жаттығуды бастап кетті

UFC лигасында жартылай орта салмақта өнер көрсететін Отандасымыз Шавкат Рахмонов Америкада жаттығуды бастап кетті, деп хабарлайды Оrtalyq.kz Bassport.kz сайтына сілтеме жасап.

Спортшы Kill Cliff FC залында жаттығуда. Онымен бірге отандық файтер Асу Алмабаев та дайындалып жатыр. Айта кетелік, Шавкат Рахмонов 4 наурыз күні Лас-Вегаста америкалық Джефф Нилмен кездеседі.

Алдымен олардың жекпе-жегі қаңтар айына жоспарланған. Кейін қарсыластың жарақатына байланысты наурызға ауысты.