Отбасы – ел тірегі

    Елімізде отбасы мәселесіне, оның құндылықтарына ерекше көңіл бөлініп келеді. Соған орай, Президентіміздің Жарлығымен жыл сайын аталып өтілетін Отбасы күні белгіленді.

Бұл мәселеден Қарағанды қаласын­дағы №59 орта мектеп те ешқашан шет қалып көрген жоқ. Жуырда Өзін-өзі тану пәнінің мұғалімі, тәжірибелі ұстаз Ләззат Көпбаева адамгершілік-рухани білім беру бағдарламасы аясында отбасы және отбасының құндылықтары тақырыбында мектептің тоғызыншы сыныптары оқушы­ларына арнайы сабақ өткізді.

Балалар санасында отбасының және отбасы- құндылықтары түсінігін қа­лып­тастыру мақсатында өткізілген шара өте тартымды болып, оқушылар бір-бірімен тығыз байланысты егіз ұғым ту­ралы көптеген жайға қанықты. Егер Отанымыздың кішкентай бір бөлшегі бо­лып табылатын отбасы болмаса, оның құндылығының да мәні болмас еді. Ол адамдардың бір-бірімен қарым-қа­тынасы, бір-біріне деген көзқарасы мен сүйіспеншілігі. Сондықтан да «Отан – отбасынан басталады» деп тегін айтылмаған.

Отбасы және отбасының құнды­лық­тарына арналған шарада арнайы конкурс өткізілетін болғандықтан, оған әрбір сынып буклеттер мен плакаттар және басқа да жұмыстар дайындап әкеліпті. Олардың таңдаулылары арнайы көрмелерде ма­дақталды.

С.АҚБАЕВ.

Қарағанды қаласы.