Қостанайда қоқыс жәшігінен нәресте табылды

Қостанай қаласында қоқыс жәшігіне тасталған нәресте табылды. Көкек ана перзентін туберкулез диспансері аумағында қалдырып кеткен. Баланы тауып алған куәгерлер бірден жедел жәрдем мен полицияға хабар берген.

Қостанай облыстық Денсаулық сақтау басқармасының қоғаммен байланыс бөлімінің менеджері Ксения Жылқыбаеваның мәлімдеуінше, баланың жағдайы тым ауыр. Ол жансақтау бөлімінде жатыр. Дәрігерлер сәбидің өмірін құтқарып қалуға тырысып бағуда екен.