Өнер өркендеген елдің рухы биік
Құрметті мәдениет және өнер қызметкерлері мен ардагерлері!
Сіздерді Мәдениет және өнер қызметкерлері күнімен шын жүректен құттықтаймыз! Бұл мереке – өзінің дарынымен және мамандыққа адалдығымен халқымыздың рухани мұрасын сақтап, насихаттауға атсалысып жүрген азаматтарға деген терең құрметтің белгісі. Сіздердің еңбектеріңіздің арқасында халқымыздың дәстүрлері сақталып, өнер дамиды, бірегей мәдени жобалар жасалады.
Сіздер өз шығармашылықтарыңызбен көрермендеріңізге ұмытылмас жарқын сәттерді сыйлап, ұлттық өнеріміздің көмескіленбей, ұрпақтан-ұрпаққа жете беруіне ықпал етесіздер. Сіздердің шеберліктеріңіз бен қажыр-қайраттарыңыз, өз істеріңізге деген сүйіспеншіліктеріңіз ең жоғары құрметке лайық. Осы орайда өз өмірін мәдениет саласын дамытуға, жас таланттарды тәрбиелеуге және ұлттық құндылықтарды сақтауға арнаған сала ардагерлеріне ерекше алғысымызды білдіреміз. Сіздердің баға жетпес тәжірибелеріңіз бен еңбектеріңіз мәдениет пен өнерді одан әрі дамытудың берік негізі болып табылады.
Мерекеге орай сіздерге зор денсаулық, шабыт пен сарқылмас қуат, шығармашылық табыс тілейміз!
Мереке құтты болсын!
Ермағанбет БӨЛЕКПАЕВ,
Қарағанды облысының әкімі
Нұркен КОБЖАНОВ,
Қарағанды облыстық мәслихатының төрағасы
