Нұрсұлтан Назарбаев: “Барлық сайлаулар конституциялық мерзімде өтеді”

ҚР Тұңғыш Президенті – Елбасы Нұрсұлтан Назарбаев ел ішінде тәртіп бұзылуының салдары туралы ойымен бөлісті, деп хабарлайды ҚазАқпарат.

«Посткеңестік елдерден бастап Африкаға дейінгі елдерді қарап көріңіз. Саяси тұрақсыздық кезінде бірінші кезекте кім зардап шегеді? Экономика құлағандықтан, халықтың өмір сүру сапасы да төмендейді. Жұмыс істеуге уақыт жоқ – шулап, ортаға шығады. Демонстрация мен шерулер… Тәртіп пен билік жоқ жерде – проблема шешілмейді. Әрбір адамның қауіпсіздігі, елдің тұрақтылығы бұзылады. Өзекті мәселелермен айналысу шетте қалады. Әрқашан шулап жүретін адамдарға тағы да бір айта кетейін, барлық сайлаулар констициялық мерзімде өтетін болады. Осы тақырыпты жабайық», – деді Нұрсұлтан Назарбаев «Nur Otan» партиясы Саяси кеңесінің кеңейтілген отырысында.