Мейрамханалардағы қызмет көрсетуге төленетін 10% алынып тасталады

ҚР Сауда және интеграция министрі Арман Шаққалиев заңға жаңа өзгеріс енгізуді ұсынатынын айтты, деп хабарлайды ortalyq.kz BAQ.KZ сайтына сілтеме жасап.

– Біз қызмет көрсетуге төленетін жеке төлемді чектегі міндетті атрибуттан алу үшін заңға өзгеріс дайындап жатырмыз. Қызмет көрсетуге төлейтін 10 пайыз алынып тасталады. Ол сома сіз алған қызметтің ішінде болса, неліктен сіз екі рет төлеуіңіз керек,- деді министр.

Айта кетейік, қазір дәмхана, мейрамханалардың барлығында дерлік тұтынушы алған қызметтің кемінде 10 пайызын қызмет көрсетуге төлейді.

Материалды әзірлеген: Ілияс ДҮНГЕНБАЙҰЛЫ.