Мүгедектігі бар тұлғалардың назарына!

Келесі мемлекеттік қызмет түрлерін енді Электрондық үкімет egov.kz порталында үйден шықпай-ақ алуға болады.

1. «Жүріп-тұруы қиын бірінші топтағы мүгедектерге жеке көмекшінің және есту кемістігі бар мүгедектерге ымдау тілі маманының қызметтерін ұсыну үшін мүгедектерге құжаттарды ресімдеу»;

2. «Мүгедектерге кресло-арбалар беру»;

3. «Мүгедектерге протездік-ортопедиялық көмек ұсыну үшін оларға құжаттарды ресімдеу»;

4. «Мүгедектерді санаторий-курорттық емдеумен қамтамасыз ету»;

5. «Мүгедектерді сурдо-тифлотехникалық және міндетті гигиеналық құралдармен қамтамасыз ету»

Қызметті алу үшін порталдың (egov.kz) басты бетінде «Әлеуметтік қамтамасыз ету» бөліміне өту, одан әрі «Мүгедектерді қолдау» бөліміне өтіп қажетті қызметтерді ала аласыз.

! Енді қызмет алушыларға жұмыспен қамту және әлеуметтік бағдарламалар бөліміне келудің және құжаттарды қағаз түрінде ұсынудың қажеті жоқ.

«Қарағанды қаласының жұмыспен қамту және әлеуметтік бағдарламалар бөлімі» ММ.