Лайықты құрмет
Газет жанашыры, ұлағатты ұстаз Төлеген АРКОНОВҚА Қарқаралы ауданының Құрметті азаматы атағы берілді.
Сүйіншілі хабарды Төлеген Жұмашұлының өзінен естідік. Лайықты баға!
Құрметті азамат бар ғұмырын ұстаздыққа арнаған. Ұлы мамандыққа!
Ұлағатты жанның еңбегі бұған дейін де бірнеше марапатпен бағаланды. Ол – Қазақ ССР оқу ісінің үздігі, КСРО оқу ісінің үздігі және Қазақстанның еңбек сіңірген қайраткері. Кәсібіне адалдығы үшін облыс әкімінің сыйлығымен марапатталған.
Ұзақ жылдар бойы бұрынғы Егіндібұлақ ауданының білім бөлімін басқарған Төлеген Жұмашұлы сексеннің сеңгіріне шықса да бала тәрбиесінен қол үзген жоқ. Қазіргі күні Қарағандыдағы №77 мектеп-балабақша кешенінде физика пәнінен сабақ береді.
Өңірдің өз ұлдарын осылай құрметтегені қандай жарасымды!
Марапат құтты болсын!
Қуаныш АМАНҚҰЛОВ