«КҮЙ-КЕРУЕН» ОРТАЛЫҒЫ АШЫЛДЫ

Арқаның шертпе күйі бүгінде қанатын кеңге жайып, өріс алуда. Облыс орталығында да шертпе күй фестивальдері көптеп өтуде. Алайда, шертпе күйшілерінің орталығы жоқ болатын. Соның орайы енді ғана келгендей.

Шертпе күй шебері Қайролла Сәдуақасов жетекшілік ететін аталмыш орталық баспанасы жоқтықтан қала ішінде көшіп жүрді. Облыстық мәдениет департаментінің, күй жанашырларының қолдауымен Сұрыптау стансасындағы «Теміржолшылар Мәдениет үйінен» қажетті орындар бөлінді. Бүгінде орталық қалыпты жұмыс істеуде. Әзірге «Күй тағылымы» лекциялары жүруде. Келешекте шеберлік сабақтары өтетін болады.