«ЧАК –ЧАК» МЕЙРАМЫ
Биылғы жылы татар халқының дәстүрлі «Чак-чак party» мерекесі Қазақстан Республикасы Тәуелсіздігінің 25 жылдығымен ұштасты.
Жиналған қауымды «Ихлас» облыстық этно-мәдени бірлестігінің төрағасы Анвар КЕРЕЙБАЕВ құттықтады.
«Чак-чак» мейрамы – бұл диқаншылардың дәстүрлі мерекесі. Мерекелік іс-шара дәстүр бойынша баян сүйемелдеуімен «Ихлас» вокалдық ансамблінің орындауындағы татар халық әні «Жиләкля жәйләрді» шырқаумен ашылды. Бұл іс-шараның өзіне тән ерекшелігі әндердің шынайы шырқалуы ғана емес, сондай-ақ, баянмен сүйемелдеудегі жарасымды үндестігінде.
Шахтинск қаласынан келген «Алсу» ансамблі, Ақтас кентінен «Яхташлар» вокалды ансамблі, Абай қаласынан «Ляйсан» татар-башқұрт шығармашылық тобы мерекенің сәнін кіргізді. «Ихлас» облыстық орталықтың белсенділері Сабина мен Камиля кеш бағдарламасын жүргізіп, көрермендермен сұрақ-жауап түріндегі қызықты ойындар ұйымдастырып, тіптен, чак-чак жеуден де жарыстар өткізді.
– Жыл сайын өтетін «Чак-чак» мейрамы – ата-бабалар дәстүріне деген құрмет. Өзіміз дәнді-дақылдарды егіп, жинамасақ та осы уақытта мерекенің тойлануы – біздің парызымыз деп санаймыз. Биыл ұйымдастырылған бұл мереке өте жоғарғы деңгейде өтті. Халықтың осы мерекені тойлауға ат салысып, қолдау білдіріп жатқандарына өте қуаныштымыз. Облыстық «Ихлас» татар-башқұрт этно-мәдени бірлестігі аталған іс-шараға бізді шақырып, осындай деңгейде өткізіп жатқандарына ризалығымызды білдіреміз, дейді, Ақтас кентінен келген «Яхташлар» татар-башқұрт этно-мәдени бірлестігінің төрайымы Д.Фатихова.
Мерекелік концерт барлық қатысушылардың орындауындағы татар халық әні «Туған тілдің» шырқалуымен қортындыланды.
Қарағанды облысы әкімі аппаратының
«Қоғамдық келісім» КММ баспасөз қызметі.
