Балаларға арналған ойыншықтарды, тәтті сыйлықтарды және карнавал киімдерін таңдау бойынша ұсыныстар
Жаңа жылдық мерекелер қарсаңында балаларға арналған тәтті сыйлықтар үлкен сұранысқа ие, олардың ассортименті дүкен сөрелерінде өте үлкен.
Тәтті сыйлықтарды таңдағанда негізгі ережелерді ұстануға кеңес береміз:
– сыйлықтың қаптамасын мұқият қарап шығыңыз, ол ашылмаған, тұтас болуы тиіс, жарамдылық мерзімі, құрамдас бұйымдардың тізбесі, құрамына кіретін ингредиенттер, кондитерлік өнімдерді дайындаушы, тағамдық құндылығы, сақтау шарттары туралы ақпаратпен таңбалануы тиіс, сондай-ақ нарықта (ЕАС) өнімнің айналымының бірыңғай белгісі болуы тиіс.
– тәттілерді баланың жасына, сондай-ақ өнімнің пайдалылығына байланысты таңдау керек. Жылтыратылмаған мармелад, желе кәмпиттері, пастила, зефир, жаңғақтар, кептірілген жемістер және т. б. сияқты кондитерлік өнімдерге артықшылық беруді ұсынамыз.
– құрамында тағамдық қоспалары, консерванттар, гомогенизацияланған майлар, соның ішінде пальма майы ең аз кондитерлік өнімдер жиынтығын таңдау керек.
– егер сыйлықтың ішінде кондитерлік өнімдермен бірге ойыншық болса, онда ол туралы ақпарат қаптамада жазылуы керек.
Ойыншықтарды таңдағанда келесі ережелерді ұстануға кеңес береміз.
Өнімнің қаптамасындағы ақпаратта ойыншықтың құрамы және жас шектеулері, өндіруші туралы ақпарат, шығарылған күні және т. б. болуы керек.
Өнімнің таңбалануын зерттей отырып, ойыншық жасалған материалға назар аудару керек, ол кірлендеген, таза болуы керек, өткір жиектері болмауы керек; ДСП, МДФ, фанера қолданбаған ағаш ойыншықтарға артықшылық берген дұрыс.
Өткір, жағымсыз иісі жоқ ойыншықтарды таңдаңыз, ойыншық шығаратын дыбыс ащы да, қатты да емес болуы керек, балаларға зорлық-зомбылыққа еліктейтін немесе жағымсыз психоэмоционалды жағдай жасауға ықпал ететін ойыншықтар сатып алмаңыз.
Ашық түсті ойыншықтардың құрамында улы бояғыштар мен ауыр металдар болуы мүмкін екенін білу керек, егер бояу қолға оңай жұқса немесе қопарылып түсіп жатса немесе өткір иіс болса, сатып алудан бас тартқан дұрыс.
Басқарма ағымдағы жылдың шілде айынан бастап өнімдер мен тауарларды бақылау үшін сатып алуды тұрақты негізде жүзеге асырады. Балалар ойыншықтарының 8 сынамасы сатып алынды, сауда объектілерінде жүргізілген санитариялық-эпидемиологиялық сараптама нәтижелері бойынша ойыншықтардың 7 сынамасында немесе 87,5% техникалық регламент талаптарына сәйкессіздік анықталды. Ойыншықтардың қаптамасында мемлекеттік тілде ақпарат жоқ, бұл “Балалар ойыншықтарының қауіпсіздігі туралы” техникалық регламенттің талаптарын бұзу болып табылады. Барлық сәйкес келмейтін ойыншықтар Қытай, Ресей сияқты басқа елдерден шығарылған және әкелінген.
Осыған байланысты балаларға жаңа жылдық сыйлықтарды өндірушісі белгісіз, рұқсат етілмеген сауда орындарынан сатып алмаңыз. Сатып алу кезінде сіз сатушыдан өнімнің шығу тегін, сапасы мен қауіпсіздігін растайтын құжаттарды сұрай аласыз. Кондитерлік өнімдер үшін бұл сәйкестік туралы декларация, ойыншықтар үшін сәйкестік туралы сертификат.
Сонымен қатар, мереке алдындағы күндері ата-аналар балаларына жаңа жылдық карнавал киімдерін сатып алады. Балаға арналған карнавал костюмін таңдағанда не нәрсеге назар аудару керек?
Жаңа жылдық киім ыңғайлы болуы керек, ол ыстықтатпауы, тоңдырмауы, қажамауы, қыспауы керек. Материалдың құрамында минималды синтетика немесе киімнің табиғи астары болғаны жөн. Сапалы карнавал костюмнің, оның ішінде масканың бөтен, жағымсыз, химиялық иісі болмауы керек, сонымен қатар бала денесінде бояудың, жылтырдың іздерін қалдырмауы керек.
Балаға арналған жаңа жылдық костюмді таңдаған кезде, тігіс сапасы мен түймелеріне назар аударған жөн. Тігістер тегіс болуы керек, резеңкелер, белбеулер мен бекіткіштер теріні қажамауы үшін астына мата тігілуі керек.
Бұйым туралы барлық ақпарат көрсетілуі тиіс, таңбалаудың болуына міндетті түрде назар аударыңыз. Сатушы, тұтынушының талабы бойынша оның қауіпсіздігін растайтын тауарға ілеспе құжаттамамен (сәйкестік сертификаты) таныстыруға міндетті. Ұсынылған сертификатқа өнімнің тиесілігін тауарда және сертификатта көрсетілген сәйкестендіру белгілерін салыстыру арқылы тексеруге болады. Әдетте, киімнің сәйкестендіру белгісі-өндірушінің бренді немесе өнімнің артикулы.
Г.Т. ЖҰМАҒҰЛОВА,
Шахтинск қалалық санитариялық-эпидемиологиялық
бақылау басқармасы басшысының орынбасары
