Балқашта Қазыбек Нұржанов атындағы шағын ауданда 900 орындық жайлы мектеп құрылысы жалғасуда. Қазірдің өзінде оқытушылар құрамы мен сыныптарды алдын-ала жасақтау жүріп жатыр.
Қарағанды облысының әкімі Ермағанбет Бөлекпаев жұмыс сапары барысында оқу орнын аралап қайтты.
Өңір басшысына жұмыс кестеге сәйкес, жұмыс күші мен техника жеткілікті екендігі баяндалды. Ғимараттың қаңқасы толығымен дайын, бастапқы әрлеу, терезе блоктарын орнату аяқталды. Қазір құрылысшылар шатыр орнатумен, ішкі әрлеумен айналысады. Инженерлік желілерді жүргізу жалғасуда.
Жаңа үш қабатты мектеп бастауыш және жоғары сынып оқушыларына арналған бөлек блоктармен болады.
Құрылыспен қатар жиһаз бен жабдықты сатып алу жүріп жатыр.
Ермағанбет Бөлекпаев қала жағалауын қайта құру барысын да тексерді. Жоба екі кезекке арналған. Баспалдақтар, тіреу қабырғалары дайын. Техникалық үй-жайы бар су кешендерін орнату жалғасуда. Шағын сәулет пішіндерін орнатуға арналған алаңдар дайындалуда.
Ермағанбет Бөлекпаев екі жоба да қала үшін маңызды және облысты дамыту жөніндегі стратегиялық бастамаларға кіретінін атап өтті. Оларды іске асыру азаматтардың өмір сүру сапасын жақсартуға бағытталған. Облыс әкімі нысандардың уақтылы тапсырылуын қамтамасыз етуді және жұмыстардың сапасын бақылауды тапсырды.
Аида РАХЫМҚҰЛОВА,
Ortalyq.kz
