Балқашта ауыз су бір тәулікке тоқтайды
Балқаш қаласында бір тәулікке суық су беру тоқтатылады. Балқаш қаласы әкімдігінің мәліметінше бұл Достық-Мойынты теміржол учаскесінде екінші жолдарды салу жұмыстарын жүргізу қажеттілігінен туындап отыр.
– Құрметті Балқаш қаласының тұрғындары! Дүйсенбіден сейсенбіге қараған түні, 21 мамыр сағат 00:00-ден бастап суық су берудің жоспарлы тоқтатылатыны туралы хабарлаймыз. Бұл Достық-Мойынты теміржол учаскесінде екінші жолдарды салу жұмыстарын жүргізу қажеттілігімен байланысты. Орта-Дересін стансасы учаскесінде 1205 шақырым аумақтағы ПК-5, оның ішінде су құбыры желісінің учаскелерін қайта кесу жұмыстары жүргізіледі, – деп хабарлады Балқаш қаласының әкімдігі.
Балқаштықтарға суық суды жеткілікті мөлшерде жинақтауға кеңес беріледі. Сондай-ақ әкімдік суды кесте бойынша жеткізуді ұйымдастыруға уәде берді. Су беруді қалпына келтірудің күтілетін уақыты 22 мамыр күні сағат 19:00.
Ілияс ДҮНГЕНБАЙҰЛЫ.
