«Астана» жеңісі: бір минутта соғылған екі гол ойынды өзгертті
Чемпиондар лигасының 2023/2024 жылғы іріктеу кезеңінін екінші ойынында «Астана» клубы сырт алаңда Грузияның «Динамо Тбилисиін» 2:1 есебімен жеңді.
Бұған дейін қос команда бірінші ойында елордадағы «Астана Арена» стадионында кездескен болатын. Ол ойын 1:1 есебімен тең аяқталды.
Ал, екінші кездесуде ойынның бірінші бөлігінің қорытындысы бойынша жерлестер 1:0 есебімен жеңіліп жатқан. Алаң иелері сапынан шабуылшы Усман Камара 22-ші минутта есеп ашқан болатын.
Екінші таймда жерлестер небары бір минуттың ішінде екі гол салып, жеңісті қолдан жұлып алды.
50-минутта қорғаушы Абзал Бейсебеков оң қапталдан әуелете көтерген әріптестерінің пасын қақпаға бағыттап, есепті теңестірді. Іле-шала доп ойынға қосылысымен жерлестер допты қарсыластарынан жұлып алып, оң қаптал арқылы тағы шабуылға шығады. Нәтижесінде шабуылшы Дембо Дарбо есепті еселейді.
Екі кездесудің қорытындысы бойынша жеңіске жеткен жерлестер іріктеу кезеңінің 1/4 турында Хорватияның «Динамо Загреб» клубымен кездеседі
Бірінші тайм 22-минутта Усман Камардың күшімен есеп ашқан «Динамоға» қалды. Соған қарамастан, қонақтар ойынның екінші бөлігінің басында-ақ бір минуттың ішінде матчтың қарқынын өзгерте алды. 50-минутта Абзал Бейсебеков гол соқты, 51-минутта Дембо Дарбо гол соғып, кездесудің қорытынды есебін орнатты.
Осылайша, «Астана» жалпы есепте 3:2 есебімен жеңіске жетіп, келесі кезеңге өтті (алғашқы матч 1:1 есебімен тең аяқталды). «Астананың» келесі қарсыласы Загребтің «Динамосы» болмақ. Екінші турдың ойындары 25 шілде мен 2 тамызда өтеді.
Ербол ЕРБОЛАТ,
Ortalyq.kz
