«Далада бала жата ма?»

Қарағандының полиция басқармасына қаланың оңтүстік-шығысындағы көпқабатты үйлердің бірінің кіреберісінде жаңа туған шақалақтың жатқанын айтып, ер адам хабарласқан.

Дереу оқиға орнына жеткен полицейлер жаңа туған нәрестені үсік шалудан аман сақтап қалды.

– Қазіргі уақытта полицейлер оқиғаның мән-жайын және баланың анасын анықтауда. Бала жедел жәрдем дәрігерлеріне тапсырылды, –  деп хабарлады Қарағанды ​​облысының полиция департаментінің баспасөз қызметі. Аталған оқиға бойынша баланың өміріне қауіп төндіргені үшін қылмыстық іс қозғалды.

Ілияс ДҮНГЕНБАЙҰЛЫ.