Қарағандыда «Халық заңгері» жалпы республикалық акциясы өтеді

30 мамыр сағат 17.00-де Қарағанды облысының мемлекеттік және сервистік қызмет көрсету орталығында ҚР Үкіметінің қолдауымен «Халық заңгері» жалпы республикалық акциясы өтеді.

Бұл шара аймақта облыстық сыбайлас жемқорлыққа қарсы іс-қимыл Агенттігінің Департаменті, Қарағанды облысының Әділет департаменті, Zakon.kz желілік басылымы, «Параграф» ақпараттық жүйесі, Қарағанды облысының Адвокаттар алқасы мен мемлекеттік билік органдарының қолдауымен ұйымдастырылуда.

Акцияның мақсаты – халықтың құқықтық сауаттылығын арттыру және тегін заң көмегін көрсету. Осы күні кез-келген азамат облыстың заң қоғамдастығының өкілдерінен тегін кеңестерді ала алады. Олардың қатарында адвокаттар, нотариустар, прокурор, сот орындаушылары, мемлекеттік органдардың өкілдері бар.

Материалды әзірлеген Ербол ЕРБОЛАТ.