Қарағандыда гидропоника сыныптары ашылды

Қарағанды қаласының 85 жылдығы қарсанында С.Саттаров атындағы мектеп-гимназиясы және №101 мектеп-лицейі, сондай-ақ, №23 мектепте салтанатты түрде гидропоника бойынша шағын зертханалар ашылды.

Зертханаларда оқушыларға гидропоника әдісі арқылы тәжірибелі сабақтар өткізу – химия, биология, информатика, физикаға деген қызығушылығын арттырып, мамандық таңдауға септігін тигізеді.

Бүгінгі таңда Қарағанды қаласында «Гидропоника» кабинеттерін сатып алу жоспарлануда. Осы орайда жоғарыда аталған білім ұйымдарының шағын зертханалары сынақтан өтеді.