ҚАРАҒАНДЫ УНИВЕРСИТЕТТЕРІ – ҮЗДІКТЕР САПЫНДА
Қазақстанның үздік көпсалалы университеттерінің қатарындағы Е.Бөкетов атындағы ҚарМУ 4-ші орынды иеленді. Бұл үштікте Әл-Фараби атындағы Қазақ ұлттық университеті, Л.Гумилев атындағы Еуразия ұлттық университеті мен М.Әуезов атындағы Оңтүстік-Қазақстан мемлекеттік университеті бар. Бұл туралы Қазақстанның электронды үкімет сайты хабарлайды.
Рейтингті жасаушылар жоғары оқу орындарының көпсалалы, техникалық, гуманитарлы-экономикалық, медициналық және педагогикалық бағыттарын ескерген. Барлығы 61 жоғарғы оқу орны бақ сынасты. Ұлттық рейтингке олардың 57-сі енді.
Техникалық мамандарды дайындау бағытында Қарағанды мемлекеттік техникалық университеті Қазақ-Британ техникалық университетінен соң екінші орынды иеленді.
Медицина университеттерінің үздіктері қатарында С.Асфендияров атындағы Қазақ ұлттық медицина университеті, Қарағанды мемлекеттік медицина университеті мен Семей қаласындағы мемлекеттік медицина университеті танылды.
Өз тілшімізден.
