АЭС: тұрғындарға түсіндірме жұмыстары жүргізілді

“Қарағанды қаласының жұмыспен қамту және әлеуметтік бағдарламалар бөлімінің” Отбасын қолдау орталығы” КММ Пришахтинск қаласында бір күндік “Ашық есік” күнін өткізді.

“Ашық есік” күнінде тұрғындар әлеуметтік қызметтер алды. Оның ішінде заңгерлік, психологиялық көмек көрсетілді.
Орталықтың мамандары жергілікті тұрғындарға Президент Жолдауы мен алдағы тарихи шешім референдум туралы ақпарат берді.

Жолдаудың басты басымдықтарының бірі Қазақстан экономикасын жаңғырту қажеттілігі болып табылады. Президент Қ. Тоқаев елге шикізат секторына тәуелділікті азайту қажет екенін атап өтті, бұл тұрақты экономикалық өсуге маңызды қадам болып табылады. Қазақстан экономикасы жаңа технологиялық және экологиялық таза бағыттарға көшуі тиіс. Бұған цифрландыру, инновацияларды енгізу және “жасыл” энергетиканы дамыту кіреді. Президент бизнес пен шетелдік инвесторлар үшін жағдайды жақсарту мақсатын белгіледі, оның айтуынша, бұл ұзақ мерзімді экономикалық тұрақтылықты қамтамасыз етуге көмектеседі.

АЭС құрылысы – Қазақстанның ұзақ мерзімді энергетикалық тәуелсіздігіне қадам.
Атом электр станциясы тұрақты энергиямен қамтамасыз етіп, өнеркәсіп пен экономиканың қарқынды өсуі үшін маңызды болмақ. Сонымен қатар, АЭС болашақ ұрпақтар үшін басты энергия көзіне айналып, қазба отынға тәуелділікті азайтады. “Ашық есік” күнінде мамандар осы және өзге де тақырып жөнінде тұрғындарға түсіндірме жұмыстарын жүргізді.

Өз тілшімізден