Абайда екі аллея ашылды

Абай қаласында «Спорт аллеясы» және «Коммуналшылар аллеясы» ашылды. Бұған дейін қалада Білім, Мәдениет және Денсаулық сақтау аллеялары ашылған болатын. Оларды күтіп ұстау сала мамандарының құзіретіне берілген.

Жаңадан ашылған аллеяларға коммуналшылар, спортшылар, ардагерлер және жастар 200 түп көшет отырғызды.

Дәл осы күні ауданда сенбілік ұйымдастырылды. Жастар қала көшелерін шашылған қоқыстардан және қураған шөптерден тазартып, өзгелерге үлгі көрсетті.